Don·née pedagojiq ô colaïj de la Neustrie a Boug·nè (deçenb 2017 a fev·rier 2018)

LA CONPINGNÎ DEDD LA

Dedd La, s’é in souèton sou la louae 1901 qhi’a të crayë a Tizë, su Torignë Foulhard (35), e qhi’ouvraïj den l’dëmenn artistiq.

Lé but d Dedd La son :

  • d’aïdë a la crayézon d-z artist qhi son menbr e qhi travâlhen en·n atach wo l’parlement galéez ou bin wo la vouèz ;
  • de mètt su pië lé condiçion d la crayézon e la reclâm dé-z evr de sé menb ;
  • sensibilizë lé bon·n jen ô galo, lé ghimentë su l’parlement-la e su l-z enjeû d sa ravigotrî, e pée lé ghimentë su lé dret qhuturao dé caozou.

Pourr mètt sa su pië, lé fezrî d Dedd La son :

  • d’organizë l’cae olmon la producçion artistiq : lé monment d’ecriturr, de conpôzrî, d crayézon, d ·rpaïsrî, e nen n së ti ;
  • de s’abouchë wo d-z organn de métier alentourr la producçion e l’egâlhrî d-z evr : dé produizou, d-z egâlhou, dé programou d pestaq, dé produizou fon·nografiq, dé-z aditou d muziq, dé banissou d livr, dé-z endret de dmeranç, dé-z endret d mont·rrî, en nen n së ti ;
  • de fèrr dé-z outi d reclâm e d’egâlhrî d-z evr : parchâ, afich, dicç de reclâm ou bin pourr vendd, courr web, e nen n së ti ;
  • de mètt su pië ou bin d prendd part a dé monment d’ençèrch artistiq, dé rencontr, dé formézon, dé don·née pedagojiq ;
  • de redijë d-z ecrit, d-z enmenbrée son·nantt ou odiovizuèl pourr lé media.